नमो शेतकरी योजनेचा ७ वा हप्ता या तारखेपासून शेतकऱ्यांच्या खात्यात जमा होणार…

राज्यातील शेतकऱ्यांमध्ये नमो शेतकरी महासन्मान निधी योजनेच्या हप्त्याबाबत उत्सुकता आणि प्रतीक्षेचे वातावरण निर्माण झाले होते. शेतकरी संघटनांकडून आणि विविध भागांतील शेतकऱ्यांकडून सातत्याने प्रश्न उपस्थित होत होते की, पुढील हप्ता नेमका कधी जमा होणार?

याबाबत सुरुवातीला १७ सप्टेंबर २०२५ च्या आसपास हप्ता वितरित होईल, अशी शक्यता वर्तवण्यात आली होती. मात्र, वाढता रोष आणि शेतकऱ्यांची आर्थिक अडचण लक्षात घेऊन राज्य शासनाने तातडीने निर्णय घेतला आहे.

कृषीमंत्री यांनी प्रसारमाध्यमांशी संवाद साधताना माहिती दिली की, राज्य शासनाने नमो शेतकरी योजनेचा ७ वा हप्ता ९ सप्टेंबर २०२५ पासून शेतकऱ्यांच्या बँक खात्यात जमा करण्याचा निर्णय घेतला आहे.

➡️ या निर्णयामुळे राज्यातील लाखो शेतकऱ्यांना दिलासा मिळणार असून, खरीप हंगामातील लागवडीसाठी आणि इतर शेतीसंबंधी गरजांसाठी आर्थिक मदत वेळेवर मिळणार आहे.

शासनाने स्पष्ट केले आहे की, हप्त्याचे वितरण थेट बँक खात्यात करण्यात येणार असून, शेतकऱ्यांना यासाठी कोणत्याही प्रकारचा अर्ज किंवा वेगळ्या प्रक्रियेतून जावे लागणार नाही.

योजनेअंतर्गत मिळणाऱ्या या मदतीमुळे शेतकरी वर्गाला दिलासा मिळेल आणि त्यांच्या दैनंदिन शेती खर्चाला हातभार लागेल, अशी अपेक्षा शासनाने व्यक्त केली आहे.

या योजनेतून आधीच सहा हप्त्यांचा निधी शेतकऱ्यांना वितरीत करण्यात आला आहे. आता सातव्या हप्त्यासाठी निधी वितरित करण्यास शासनाने मान्यता दिली आहे.

वाचकहो, ‘स्वराज अपडेट्स’ ला व्हाटसपवर फॉल्लो करताय ना?… अजून जॉईन केलं नसेल तर येथे क्लिक करा आणि मिळवा महत्त्वाचे अपडेट्स !