नवीन वर्षात PF पद्धतीमध्ये अमुलाग्र महत्वाचे बदल, कर्मचाऱ्यांसाठी खुशखबर! – Good News for PF Employees!

EPS-95 आंदोलन समितीच्या म्हणण्यानुसार, केंद्रीय कामगार मंत्री मनसुख मांडवीय यांनी EPS-95 अंतर्गत किमान पेन्शन वाढीसह इतर मागण्यांवर लवकर निर्णय घेण्याचे आश्वासन दिले आहे. सध्या EPFO अंतर्गत 78 लाखांहून अधिक पेन्शनधारक आहेत आणि त्यांच्या दीर्घकाळ प्रलंबित मागण्यांबाबत सरकार सकारात्मक भूमिका घेत असल्याचे समितीने सांगितले.

याशिवाय, किमान EPS पेन्शन वाढीव्यतिरिक्त, निवृत्ती वेतनधारक संघटनांनी किमान पेन्शन वाढवणे, सेवानिवृत्त कर्मचाऱ्यांसाठी व त्यांच्या जोडीदारांसाठी मोफत आरोग्य सेवा पुरवणे आणि उच्च पेन्शन लाभांसाठी अर्जांच्या प्रक्रियेमधील त्रुटी सुधारण्याची मागणी केली आहे.

2025 मध्ये किमान पेन्शन वाढणार का?

आगामी अर्थसंकल्प 2025 पूर्वी EPS-95 निवृत्ती वेतनधारकांच्या एका शिष्टमंडळाने अर्थमंत्री निर्मला सीतारामन यांची भेट घेतली. त्यांनी महागाई भत्ता समाविष्ट करून किमान पेन्शन 7500 करण्याची मागणी मांडली. EPS-95 राष्ट्रीय चळवळ समितीनुसार, अर्थमंत्र्यांनी या मागणीवर गांभीर्याने विचार करण्याचे आश्वासन दिले आहे. सध्या पेन्शनधारकांना केवळ 1000 मिळते, परंतु ती वाढवून 7500 करण्याच्या मागणीस सरकार सकारात्मक प्रतिसाद देऊ शकते. तसेच, निवृत्ती वेतनधारक व त्यांच्या पती-पत्नींसाठी मोफत आरोग्य सुविधा मिळाव्यात, यासाठीही प्रयत्न सुरू आहेत.

EPFO खातेदारांसाठी मोठी खुशखबर लवकरच!

2024-25 या आर्थिक वर्षासाठी PF ठेवींवरील व्याजदर निश्चित करण्यासाठी EPFO च्या केंद्रीय विश्वस्त मंडळाची (CBT) बैठक 28 फेब्रुवारी 2025 रोजी होणार आहे. या बैठकीत केवळ व्याजदरांवर चर्चा होणार नसून पेन्शन वाढीचाही मुद्दा उपस्थित केला जाण्याची शक्यता आहे. बाजारातील चढ-उतार असूनही कर्मचाऱ्यांना स्थिर परतावा मिळावा, यासाठी सरकार EPFO खातेधारकांसाठी निश्चित व्याजदर योजना लागू करण्याचा विचार करत आहे.

EPFO खातेधारकांसाठी लवकरच मोठी घोषणा होण्याची शक्यता!